Finnbogastaðaskóli

Skólaslit 17. maí

Í dag 17. maí var lokadagur þessa skólaárs í Finnbogastaðaskóla. Við skólaslitin voru nemendur ásamt foreldrum sínum og öðrum ættingjum og vinum. Gestir gerðu sér glaðan dag með því að fylgjast með nemendum taka við vitnisburði sínum og viðurkenningum ásamt því að skoða það sem nemendur hafa verið að vinna að í vetur. Góðar veitingar voru að venju í eldhúsinu enda dagur gleði og ánægju eftir vel unnin störf í vetur. Að skólaslitum loknum héldu nemendur svo glaðir og sælir út í sumarið en þó með nokkrum trega því þetta er síðasta skólaár Júlíönu Lindar og þökkum við henni innilega góða samveru og vonum að henni farnist vel í nýja skólanum sínum.

Með bestu sumarkveðjum

Kartöflur og rófur

Við ákáðum að fara í alvöru náttúrufræði og skelltum okkur í það verkefni að setja kartöflur niður í garðinn. Við pöntuðum útsæði og áburð í kaupfélaginu og þegar það var komið til okkar byrjuðum við á því að stinga upp garðinn og hreinsa til. Svo gerðum við litlar holur og settum niður kartöflurnar ásamt svolitlum áburði. Við fengum líka rófufræ og settum þau niður í hluta af garðinum. Að lokum hreinsuðum við til í rabbabarabeðinu og svo er bara að bíða og sjá hvernig sumarið fer með garðinn okkar. Vonandi fáum við góða uppskeru!

Unicef

Á mánudaginn var Unicefdagur. Þá gerum við þrautir, eins og hástökk, langstökk, standa á haus, rekja bolta eftir braut, fara í kollhnísa og ýmislegt fleira. Allir þeir sem komu að horfa á voru Pálína, Gunni og Magnea Fönn. Allir þeir sem tóku þátt voru Júlíana Lind, ég, Viðar Elí, Jón Brynjar, Kári, Þórey og Aníta Mjöll. Þau sem leiðbeindu okkur voru Elísa Ösp og Ingvar. Styrktarpeningurinn rennur til Unicef.

Sumarkveðja Ásta Wink

Ferð í DJÚPAVÍK

Við fórum inn í Djúpavík í skólaferðalag. María Guðmundsdóttir fór með okkur og sagði hvernig það hefði verið að alast upp þar til12 ára aldurs því þá flutti hún til Reykjavíkur. Við borðuðum á Hótel Djúpavík og fengum pítsu og kók Halo og hún Eva á hótelinu var svo góð við okkur að hún bauð okkur að borða. Við kíktum í lýsistankana og sungum ,,Stolt siglir fleyið mitt". Þetta var frábær ferð og við gleymum henni aldrei!

Bless í bili.kv. Kári Cool

Frábær vorhátíð

Það var mikið um dýrðir hjá okkur á fimmtudaginn og við fögnuðum vorinu innilega með vorhátíð í Félagsheimilinu í Trékyllisvík. Það var ágætlega mætt og við buðum upp á frábæran kvöldverð sem samanstóð af beikondöðlum í forrétt, lambapottréttur með salati, brauði og hrísgrjónum í aðalrétt og marenshreiðrum í eftirrétt. Allir skemmtu sér vel og hér sjáið þið nokkrar myndir frá hátíðinni.
Takk fyrir okkur!

Vorhátíð fimmtudaginn 26. apríl!

Jæja nú lítur allt út fyrir að við getum haldið vorhátíðina okkar hátíðlega á fimmtudaginn. Veikindi hafa verið að herja á okkur en nú eru allir að verða frískir. Vonandi sjá sér sem flestir fært að mæta og njóta þessarar stundar með okkur Happy

Páskabingó - BINGÓ!

Bingó var haldið fyrir troðfullu húsi í félagsheimilinu í Árnesi þann 7. apríl síðastliðinn.

Edda í Kaupfélaginu var bingóstjóri og tókst það starf glæsilega að vanda.

Menn mættu með baráttuanda og spiluðu af ástríðu, enda verðlaunin eftirsóknarverð svo ekki sé meira sagt. Aðalverðlaunin voru páskaegg og flugmiði fram og til baka hingað í sveitina með flugfélaginu Erni. Það var því rafmagnað andrúmsloft þegar Helga hans Hilmars á Krossnesi kallaði BINGÓ! eftir að hafa riggað upp fullu spjaldi á mettíma og með glæsibrag. Við Óskum Helgu til hamingju með stórsigurinn.

Flugfélaginu Erni, Hárgreiðslustofunni Mýrún, Ferðaþjónustunni Urðartindi, Margéti Eir og síðast en ekki síst Kaupfélagi Steingrímsfjarðar þökkum við innilega fyrir stuðninginn. Án hans hefði okkur varla tekist að halda þetta dásamlega Bingó.

Meðfylgjandi er mynd sem hinn góði ljósmyndari Claus Sterneck tók. En hann var á staðnum með fríðu föruneyti.

Málshættir

Hér eru nokkrir málshættir sem við krakkarnir sömdum

Ekki lækna smyrsli sálarinnar sár: SINDRI FREYR

Sulta gerir góðan mat: HRAFNHILDUR KRÍA

Grjónagrautur er góður matur: ÞÓREY

Oftar blæs vindurinn en sólin skín: KÁRI

Sannleikurinn er ekki alltaf fallegur: ÁSTA ÞORBJÖRG

Dánir mega kyrrir liggja: BRYNJAR KARL

Gleðilega páska!

Páskafríið

Eins og þið vitið fara páskarnir bráðum að koma og allir fara í páskafrí. Núna ætlum ég og Sindri Freyr að segja ykkur hvað við ætlum að gera í páskafríinu.

Sindri: Ég hef enga hugmynd um hvað ég ætla að gera í páskafríinu. Örugglega bara að hafa það gott.

Ásta: Ég ætla að fara til Reykjavíkur í afmælið hennar ömmu og svo ætla ég bara að gera það sama og Sindri, hafa það gott.